Assalamu’alaikum wr wb
Kanthi linambaran sedyo tulusing manah sinartan lebdo luhuriung budi, mugi-mugi saliring gati purwo, madya, wasono tansah lulus manggih raharja, sepen saking sambikolo, tansah pikantuk payunging yuwono.
Nuwun , mugi kapareng munjuk atur dhumateng sagung poro rawuh, , langkung ruumiyin dhumateng panjenenganipun :
– Bp. Bupati minongko pangarso projo,
…………………………………………………………………………………………………………………………
– Para sesepuh dalah pinisepuh ingkang hanggung hanggegulang dhumateng reh darmaning kautamen saha ingkang dhahat kinabekten;
– Poro jajaran pimpinan skpd minongko pangemban pangembating projo , kinariyo pandom, pandom, keblat, sarto panutaning poro kawulo dasih, ingkang satuhu tinulat sinudarsono;
– Poro darmo wicoro nun inggih; Bp. Bambang Suwarno, S.Kar,M.Hum, saha Bp. Bambang Murtiyoso,S.kar,M.Hum, budayawan saking surakarta;
– Para Pangarsatama Tiga Pamengku Budaya Jawi , Nun inggih : Pangarsatama Pepadi, Pangarsatama Permadani, lan Pangarsata HPK kabupaten wonosobo dalah sedoyo pengurtus lan jajaripun;
– Sagung para rawuh kakung sumawana putri, ingkang tansah kaluberan robing samudro ywono basuki saha ingkang tansah tinangsulan talining pasedherekan;
Langkung rumiyin sumonggo , tansah ngandhap ngasoraken manah tumuju keblating panembah, kanthi ngunjukaken pujo hastowo – tuwin puji hastuti, puji syukur konjuk wonten ngarsanipun Gusti ingkang maha Agung – ingkang sampun hambabar sakathahing karohmatan, kaberkahan, taufik, hidayah, sarto inayahipun ingkang hamawurahan,
Satemah ing titi wanci dinten punuiko – kito saget pepanggihan, nunggil papan, nunggil swasono , nunggil sedyo, lan nunggil karso, kanthi winantu ing kawilujengan, bagas kuwarasan lan karahayon kalis saking sambikolo , lan uwal saking rubedo,
Kanthi sesarengan nindak-aken lumampahing adicoro “
Sarasehan tigo pamengku Budaya Jawi : nun inggih Pepadi, Permadani, dalah HPK Kabupaten Wonosobo, ingkang kaleksanan wonten ing dinten puniko “
Rebu wage , 28 Agustus 2013 “
Kanthi mapan wonten ing Gedung Korpri Kabupaten Wonosobo :
Sagung poro rawuh , sak lajengipun mugi kapareng kula badhe ngaturaken urut sarto reroncening adicoro ingkang badhe lumampahing sak mangke , nun inggih ingkang badhe kasebat makaten :
Sagung poro rawuh , sak lajengipun mugi kapareng kula badhe ngaturaken urut sarto reroncening adicoro ingkang badhe lumampah ing sak mangke , nun inggih ingkang badhe kasebat makaten :
7. Pambuko
8. Atur palaporan panitia / panawung kridho
9. Wedharing gati sabdo pangandiko Bp. Bupati pangarso projo , sarto mugi kepenego hambuko adicoro sarsehan secoro resmi ing dinten puniko
10. Mahastungkoro / sawab pandongo ingkang badhe kapangarso bo. ……………………………………………………………………………………………….
11. Penyampaian materi , nunggih babagan Kabudayan Jawi kaliyan babagan seni Pedhalangan
• Materi 1 : Babagan kabudayan Jawi ingkang badhe kaparingaken dhening Bp. ………………………………………………………………………………………………………………………….
• Materi 2 : Babagan seni Pedhalangan ingkang badhe kaparingaken dening Bp. ………………………………………………………………………………………………………………………….
12. Atur Panyaruwe, sumbang saran, iguh pratikel, sumbang surung panemu lsp
13. Dudutan ( kesimpulan ) :
14. Panutup